影片
更多
2023-11-20
381 瀏覽
尖沙咀📌Reserva Ibérica 🇪🇸 我係勁鍾意食 tapas，皆因細細碟，可以試多好多野 ( 即眼闊肚窄 )，幫襯咗 Reserva Ibérica 好幾次，主要係去尖沙咀海港城分店 ( 尖咀店嘅服務的確如其他網友所講，間中係有啲參差👀)，基本上我主要order以下嘅食物: ▪️伊比利亞香腸拼蕃茄多士 ▫️伊比利亞火腿芝士拼盤 (私心推介💙)▪️醃製番茄配菲達芝士 (私心推介💙)▫️炸魷魚圈配蛋黄醬 (私心推介💙)▪️炒香蒜辣椒大蜆 (私心推介💙)▫️香煎盲鰽▪️西班牙海鮮飯 (私心推介💙)▫️ 西班牙炸多士配雪糕 (私心推介💙)🇪🇸 伊比利亞香腸拼盤 $238 (Set)西班牙香腸我本人就麻麻，但加埋蕃茄脆脆多士，又另一番味道~🇪🇸 伊比利亞火腿芝士拼盤 $298呢個拼盤你只會 focus 黑毛豬火腿，真係好正~ 超讚！火腿充滿油脂嘅甘香，種果香充斥口內，橡果飼養真心唔同d，完全油而不膩，令人好回味。 為食嘅我第一次食已經愛上，二話不説即刻買咗3 packs ( 約$1,183 ) 伊比利亞黑毛豬 Guijuelo 64 months 返屋企再慢慢再品嚐 😎🇪🇸 醃製番茄配菲達芝士 $
我係勁鍾意食 tapas，皆因細細碟，可以試多好多野 ( 即眼闊肚窄 )，幫襯咗 Reserva Ibérica 好幾次，主要係去尖沙咀海港城分店 ( 尖咀店嘅服務的確如其他網友所講，間中係有啲參差👀)，基本上我主要order以下嘅食物:
▪️伊比利亞香腸拼蕃茄多士
▫️伊比利亞火腿芝士拼盤 (私心推介💙)
▪️醃製番茄配菲達芝士 (私心推介💙)
▫️炸魷魚圈配蛋黄醬 (私心推介💙)
▪️炒香蒜辣椒大蜆 (私心推介💙)
▫️香煎盲鰽
▪️西班牙海鮮飯 (私心推介💙)
▫️ 西班牙炸多士配雪糕 (私心推介💙)
🇪🇸 伊比利亞香腸拼盤 $238 (Set)
西班牙香腸我本人就麻麻，但加埋蕃茄脆脆多士，又另一番味道~
🇪🇸 伊比利亞火腿芝士拼盤 $298呢個拼盤你只會 focus 黑毛豬火腿，真係好正~ 超讚！火腿充滿油脂嘅甘香，種果香充斥口內，橡果飼養真心唔同d，完全油而不膩，令人好回味。 為食嘅我第一次食已經愛上，二話不説即刻買咗3 packs ( 約$1,183 ) 伊比利亞黑毛豬 Guijuelo 64 months 返屋企再慢慢再品嚐 😎
🇪🇸 醃製番茄配菲達芝士 $60 呢個真係好睇個人口味，我本人就鍾意酸酸味味嘅嘢， 所以呢個頭盤小食嘅真係好啱我口味，開胃醒胃。
🇪🇸 炸魷魚圈配蒜香蛋黄醬 $140呢個炸魷魚圈的炸粉係好薄，魷魚嫩滑，有口感，配埋蛋黄醬真心一流。
🇪🇸 炒香蒜辣椒大蜆 $140香蒜大蜆真係我每次必叫，真心不得了😋 又大隻又juicy，真係會一隻一隻食唔停，我係連個湯汁都唔放過。
🇪🇸 香煎鱸魚 $158極度鍾意食煎魚嘅我，呢個香煎鱸魚就好啱我口味，首先皮夠脆，無魚腥味，肉質夠嫩，醬汁亦配合得好好 。
🇪🇸 西班牙海鮮飯 $248我見有啲 comment 話西班牙海鮮飯比較乾身/ 燶，但係我就鍾情呢種焦香味道 & 囗感。先睇海鮮份量都算足夠，你會食到淡淡的煙熏味，飯質地係煙韌果種，粒粒飯都好入味，真心唔錯喔
🇪🇸 西班牙炸多士配雪糕 $78即叫即整，油條熱辣辣，外脆內軟，勁有咬口，建議大家[記住][記住][記住]要求肉桂粉砂糖另上，否則會覺得偏甜。另外，不得不提佢配上朱古力榛子雪糕球真係不得了，出面真係好少有呢個味道~正斗！
💡 Reserva Ibérica 有若干間分店，分佈喺觀塘、上環、灣仔、 銅鑼灣 & 尖沙咀， 最近，位於大圍圍方 De Salsa by Reserva Iberica 亦已開幕，但眼見價單都偏貴，未有set meal ，不過，有機會我都會想試下。
張貼
