影片
更多
2018-06-30
123 瀏覽
本來今日都冇諗住出街的，都唔知點解，一家三口Hea到差唔多2點忽然興起話出去行下；就係咁搭地鐵去左坑口行下啦。成10點幾11點先食完早餐，一直都唔多飽，所以都係周圍遊；行過見到有間食越南野，本來老公想試的，但要等位又放棄了。再行過元氣，見到有火車的，仔又望望下，結果就攞左飛仔入去食啦；因為老公又未試過火車送餐，咪玩下囉。都要等20張枱架，但隔離就係三聯，所以走左去睇書又唔覺得等左好耐；而且重有10張枱時，會有電話提醒，重有10張枱就快到。幾好丫，真係預左個客唔駛企定定係門口等。一坐底2父子就一人一個pad係度點餐啦，老公都幾好奇點送餐每次有火車經過都望下先，佢重笑話火車行過拎左唔知會點呢？點下點下，2父子真係覺得好過癮咁，放低部機冇耐，先黎左1,2碟壽司又點過；結果食到我地勁飽，食完都4點，都唔知點食晚飯。一開始就2架火車一齊黎，上左4碟壽司。講真，味道冇乜點，一直覺得元氣好過板長DD的，有火車玩重過癮D，而且好似係冇板長咁貴的。跟住係個樣有D伏，但原來都OK既芝士煙肉烏冬，不過覺得OK，可能因為我同仔仔都係芝士控，有芝士就乜都好味。再黎2架火車...放到成枱都係，感覺係食得開心D咁喎
一坐底2父子就一人一個pad係度點餐啦，老公都幾好奇點送餐每次有火車經過都望下先，佢重笑話火車行過拎左唔知會點呢？點下點下，2父子真係覺得好過癮咁，放低部機冇耐，先黎左1,2碟壽司又點過；結果食到我地勁飽，食完都4點，都唔知點食晚飯。
一開始就2架火車一齊黎，上左4碟壽司。講真，味道冇乜點，一直覺得元氣好過板長DD的，有火車玩重過癮D，而且好似係冇板長咁貴的。
跟住係個樣有D伏，但原來都OK既芝士煙肉烏冬，不過覺得OK，可能因為我同仔仔都係芝士控，有芝士就乜都好味。
再黎2架火車...放到成枱都係，感覺係食得開心D咁喎
有少少搵笨既厚燒玉子，叫佢D飯都冇夾入舊玉子度，而且玉子都唔係自家制的，只係叫貨一大舊再切開的，完全唔值咁既價。
有D少既炸墨魚軟骨，完全食唔到有軟骨，老公食第一舊重問我叫左炸雞粒咩？唔知係咪真係有炸雞粒混左落去？還是我老公既味覺有問題？
又一堆軍艦一齊上
仔仔再order拉麵，果然壽司真係食唔飽阿仔，好彩佢食左2碗麵，如果唔係叫多十碟壽司佢都未飽丫。
油甘魚同北寄貝，油甘魚切得好厚丫，依2件抵食
吉列鰈魚，諗唔起即係乜魚？叫黎試下，食完覺得，係炸魚手指放左上飯面。
因為老公同仔仔好奇，點炸粟米呢？所以叫左粟米天婦羅。係真係搵笨得好緊要
仔仔後加的炙燒黑椒蠔，唔，仔話，冇特別喎，下次應該唔會叫架啦。食完覺得，其實又真係唔係特別好食，都有少少有伏，但係火車真係幾好玩。每次有火車出閘都好期待自己Order D野到味。真係好玩多過好食囉。重有佢落單個pad大好多，睇得舒服好多，板長果個pad仔，真係比人感覺cheap爆，又要扮高級又唔肯洗多D錢，比個大D既pad客人order，客人睇得舒服D，自然會點多D。元氣個pad又大部，又可以睇番自己落過乜單，真係好過板長多多聲。
張貼
