Häagen-Dazs

營業中

休息中

因為頭先個Lunch真係難食到極點，所以食得又唔飽，又食到心情唔好。為左氹番自己同仔仔，就走左去食雪糕啦，有番D味道既保證。9個雪糕球，雪糕真係冇話可說的好味。但係呢，個底都有D同個圖不符，我以為會有一層蛋糕既物體在底的，因睇圖係有一個有厚度的黃色底層。但出黎只有一小片簿脆，我第一次食依個，所以真係唔知到底真身應該係度，只能說多少有Ｄ失望。依2支果茶真係冇得彈。個樽勁靚，先係39蚊一支咋，玻璃樽黎，真係平時淨係買個靚D既玻璃水樽出街用都唔止啦。重要果茶真多料，又好味。個人覺得野莓果茶好味過橙味果茶。雪糕就唔駛講，係出聲好食的，估唔到連果茶都咁正。之前飲過奶式反而麻麻地。