聚寶海南雞

營業中

休息中

屋企好忙，今年冇時間發魚翅整乾鮑，淨係發咗豬婆參、用澳洲冰鮮鮑煲雞、茄汁蝦碌、煎帆立貝等。團年飯加料，區內可選嘅有限，“得龍”燒鵝過時過節次次都燒得差幾分冇收油勁肥，已經唔想搞到食到發脾氣。諗起“聚寶”海南雞，之前一日已經問定年三十晚收16:00，於是阿媽就中午時份買定留番夜晚。呢度嘅海南雞次次都冇失手，全部骨去得好乾淨碎都冇，雞肉滑有油香，附送嘅薑蓉係我最鍾意嘅醬，細佬就鍾意點另一款豉油。有時落街食晚飯都會去“聚寶”，貪佢幾十蚊有湯有餸有飯，個湯都唔錯，成個煲仔上。