雲海日本料理

營業中

休息中

之前晚飯食過呢度既鐵板燒，水準很不錯，加上超過30年鐵板燒經驗既Danny哥在陣，看著他高超的手藝，如行雲如流水，之後一邊吃著他炮製的鐵板燒，一邊和他談笑風生，確是賞心樂事。但是份量方面，有點不夠喉，所以團年飯就和波士試下呢度既午市鐵板燒放題。用餐時間方面 12:00 - 2:30，先黎前菜先飲品方面，清酒啤酒任飲，清酒亦有凍飲熱飲供應，頗貼心，清酒入口頗香醇，不錯。海鮮先打頭陣，珍寶帶子同蝦面前有海鮮醬，麻醬，柚子醬油配合不同食物。再來三文魚最期待既菜式出場啦 ，鵝肝多士鵝肝表面微脆，但入口即溶，配合香脆法飽，每一啖都帶來滿足感。之後黎既係牛肉薄卷 羊架 雞肉其實相信面前這另一位廚師 都好有經驗，但似乎係火喉同調味方面 有點美中不足。之後再來炒飯，可惜不是即炒，味道也祗是不過不失。可能始終有Danny 哥珠玉在前，有明顯比較。由於肉類和海鮮可再點，但我們也祗是多點珍寶帶子和蝦，已心滿意足。最後甜品以野莓雪葩作終結，這個甜品酸酸地味道也挺不錯，有點驚喜。亦為呢餐團年飯帶來圓美作結。