王家沙 (已結業)

有屋企人住太古城，過年相約王家沙團拜。 環境好舒服，裝修得幾靚。 茶壺白雪乾淨，用點心紙點菜。 薰魚有好香的黑醋香，醃到非常入味，但有幼骨，食得要小心。 清炒蝦仁淡咗的，點醋食就得啦，幾爽口。 話梅骨又係有甜醋香，肉鬆軟，連骨都入唒味，鏡意吮骨就滋味喇！ 竹筍豆苖的竹筍又爽又大條，而豆苖就嫩腍，口感有對比，近日食得過年糕點多，清清地中和好。 醃篤鮮，呢個奶白色的湯好香濃好和味，有半肥瘦豬肉丶白菜及豆腐。 豆沙鍋餅，煎得香脆。 團團圓圓，一定要食湯丸，係鴛鴦配，豆沙及芝麻，料夠多，好得。