一代日式料理 (已結業)

首試團購，到達後看到點菜紙便知中招了。燒物：得五種，帶子，牛舌，雞翼，金菇牛肉同雞肉片，牛舌質地好淋，除第一塊係片狀外，其後點嘅全部碎上，雞翼乾身，金菇牛肉一般，雞肉片即雞扒，好似無乜燒過咁，粒帶子同香口膠差唔多咁細，話有燒三文魚骨，落左3次ORDER，口頭催左兩次，先追得一舊；刺身：紙上面係有齊晒，種類唔算多，但呢日連北寄貝都無，新鮮程度一般；一品料理：無豬軟骨同日式薄餅，可以選擇嘅唔多，大部份都係烏冬麵飯；天婦羅：得三樣，蕃薯，南瓜同蝦，粉漿厚薄度可以接受；炸物：得四樣，雞軟骨，餃子，帶子，炸蠔，炸蠔個炸皮好厚同硬；壽司：有齊，不過饅魚好乾無汁，芥辣八爪魚一啲芥辣味都無；團購每位118，還要加一服務費，坐低已發覺唔對路，張ORDER紙好少野食，同團購時列出嘅ORDER紙差好遠，唔駛食兩個鐘已經無乜可以再叫，6點半入座無乜人，但上菜好慢，劃紙無數，出極都係嗰兩三樣，其他無又唔出聲，要追幾次先話無，免費清酒亦失跡了，唯一可讚係俾多左半個鐘我地坐，雖然周圍都係吉枱，這家，下次不會了。