曼谷泰菜 (已結業)

平時食一餐泰國菜都唔平，無意中見到「曼谷泰菜」做緊團購優惠，以75蚊就可以買到100蚊卷，一於買返三張嚟開餐！是日中午點几鐘上到灣仔分店，餐廳無咩人咁滯，得一枱客咋喎，估計主要做夜市生意多！大把寬敝卡座位，侍應生安排咗window seat畀我倆，唔錯吖！1.原個菠蘿炒飯$98: 原個菠蘿上，真係勁！菠蘿粒粒又多又大又香甜，有三隻爽口中蝦、甘筍粒、洋蔥、肉鬆、腰果等等。肉鬆及腰果係用碟仔裝住，我哋自己再放上去。用菠蘿盛裝下，炒飯較為濕潤，有水果香！2.小食併盤細$105: 最好食係蝦餅，兩件一開二，入口爽彈，點上甜辣醬，更加惹味！春卷，夠香！魚餅，帶點胡椒辣味，口感麻麻！香葉包雞，雞肉有少少辣味，口感一般喇！3.椰青$48x2: 椰青水，清甜夠潤喉！整體屬一般，價錢偏貴，團購價就差不多！