山景閣

營業中

休息中

又係有朋友試過話幾好，見到團購$225加$36.8嘅服務費，仲有蠔食，即刻急不及急待去試。到步後，見到好多人一樣早少少到，餐廳到6:30準時比客人入去，我哋被編咗去窗口位。店內設計唔錯，而食物雖然種類唔多，但我覺得味道幾好，而且服務唔錯。海鮮吧有生蠔，涷蝦，青口。生蠔雖然唔係即開，但還算新鮮有蠔味。每位送燒大蝦一隻。刺身款式有四款，三文魚，鯛魚，八爪魚，希靈魚，感覺無特別，中規中矩。冷盤嘅亞拉斯加蟹肉釀魚籽撻以及鵝肝伴黑醋汁好味又精緻。燒牛肉，蒸扇貝都唔好食。甜品有色彩繽紛嘅macaron。