御宮日本料理 (已結業)

經團購買<御宮‧廚神料理二人前>兩套, 同兩個細路慶祝老公生日. 我地訂左6點半食,去到門口馬上打卡諗住每人可以送火灸三文魚壽司2 件點知經理話要在他面前打卡先得，仲要每人都打卡先個個有得送. 好彩經理教話可以一個人登入跟住add埋同行既朋友就得啦. 等左5分鐘黎左兩杯凍綠茶同兩杯金桔水, 飲品可能太多冰味道好淡. 跟住上磯煮雪鮑螺同剌身拼盤(三文魚2 件+ 油甘魚2 件及甜蝦4 隻)剌身都好新鮮, 囡囡話d磯煮雪鮑螺好好味, 再來住上得獎作品 - 牛油果三文魚沙律,老實講味道就一般但外貌就幾靚,好似生日蛋糕咁,但兩個小朋友都唔鍾意食番薯所以唔得佢地歡心,不過始終係得獎作品我食完覺得好口乾,要快d飲茶. 再黎就係燒安格斯牛肋骨,燒得好正唔會太乾入面仲好juicy好有牛肉味,正!再上黃金蟹棒燒同送既火灸三文魚壽司幾好足料小朋友猛話正. 雖然係送既但一d都冇偷工減料. 值得一讚. 再來吉列炸蝦同日式炸雞件, 我本身唔鍾意食炸野但個吉列炸蝦令我改觀,勁脆勁鬆化,我地冇點鰻魚炒飯只係叫左海鮮炒烏冬,好足料.烏冬係手打的, 好彈牙架.可能8:30開始多人啦. 御宮甜品冇來到唔知得