影片
更多
2014-08-07
4016 瀏覽
呢個團購hightea買咗好耐！$99兩人hightea! 趁今日閒日帶肥髀去食！本來規定要兩日前打電話預約，我今日即興膽粗粗訂位！好在都仲有位！本來訂咗下午2時半，我哋早咗15分鐘到，店員都好好比我坐低等夠鐘（因為下午茶兩時半先開始）比兩杯清水我慢慢等！店舖兩邊都有窗，環境好光猛開揚，裝修以簡潔西式型格路線！木桌椅配型格牆紙！我被安排坐靠牆二人枱！好多客人食緊午餐，但環境唔會好嘈！將近夠鐘時，店員同我講團購hightea可以加$40升級，多四款食物，仲由一層變三層！講真$40買多四款點心未必好抵，但用個三層架上菜，成件事就高級好多，在虛榮心推動下，當然乖乖奉上銀両！店員叫我叫定餐飲，我要熱檸茶，肥髀要凍檸茶，飲品好快上枱！飲品都係飲凍好啲，因為夠大杯，我杯熱檸茶篤完𢳂走檸檬之後，只剩餘半杯多啲！而且唔夠熱（最憎）食甜品飲兩啖已經無晒！反而肥髀食到尾都有得飲！不過水就任飲！所以之後我都係飲水（唔係焗我再叫飲品）等咗一陣已經有店員拎住個三層塔上菜！當然係相機食先！然後再開動！我見中層係咸點！面及底層係甜點（其實我唔知hightea有無規矩邊層放乜食物）我聽老人家講唔好又咸又甜，所以先揀晒
店舖兩邊都有窗，環境好光猛開揚，裝修以簡潔西式型格路線！木桌椅配型格牆紙！我被安排坐靠牆二人枱！好多客人食緊午餐，但環境唔會好嘈！
將近夠鐘時，店員同我講團購hightea可以加$40升級，多四款食物，仲由一層變三層！講真$40買多四款點心未必好抵，但用個三層架上菜，成件事就高級好多，在虛榮心推動下，當然乖乖奉上銀両！
店員叫我叫定餐飲，我要熱檸茶，肥髀要凍檸茶，飲品好快上枱！飲品都係飲凍好啲，因為夠大杯，我杯熱檸茶篤完𢳂走檸檬之後，只剩餘半杯多啲！而且唔夠熱（最憎）食甜品飲兩啖已經無晒！反而肥髀食到尾都有得飲！不過水就任飲！所以之後我都係飲水（唔係焗我再叫飲品）
等咗一陣已經有店員拎住個三層塔上菜！當然係相機食先！然後再開動！我見中層係咸點！面及底層係甜點（其實我唔知hightea有無規矩邊層放乜食物）我聽老人家講唔好又咸又甜，所以先揀晒咸嘅食再食甜！
底層熱鬆餅：影完一輪相仲熱架！我分開兩半再搽醬，鬆餅好鬆化，好重牛油味，頂層一樽士多啤梨果醬，唔會好甜，仲食到水果本身嘅味，酸酸地唔膩，配鬆餅一流！另外一樽係忌廉，好滑唔太甜！搽鬆餅好似食忌廉蛋糕一樣！
中層咖哩角：個樣勁似新年食嘅油角，未食我仲估唔係中西合璧，食油角咁型？！咬落外皮煙韌，裡面係咖哩肉碎，不過因為好碎，都食唔出係乜肉，而且無蔬菜粒，平時咖哩角除了肉碎，仲會有爽口嘅蔬菜碎！食落口感無咁寡！咖哩唔辣！肥髀都食到！
中層巴馬火腿麵包棒：火腿片包住麵包棒，外層微咸，內裡香脆！火腿片好易咬開（曾經食過好韌嘅火腿片）鬆脆好味！
中層蝦pancake:賣相好靚！不過味道一般，鮮蝦爽口但無乜味，中間芝士忌廉好滑，但食唔出芝士味，似普通忌廉，托底係塊細pancake, 軟綿綿無乜味！如果係塊脆脆加拿餅仲好！三樣都係軟身！無乜口感！一條青蔥有少許清新感覺，不過味道太淡太清！一般！
食完咸點，到甜點！
底層杏仁朱古力曲奇：好香脆，朱古力味濃，加上杏仁碎香口！好味道！
底層紅莓布甸：店員無比小匙食呢樣，要我問先比！紅莓醬酸酸甜甜，配滑溜布甸，唔會好甜，好開胃！解膩一流！
頂層檸檬撻：檸檬撻幾酸，我食埋上面嘅薄荷葉，可以緩和下檸檬酸味！不過撻底有啲散！味道ok!
朱古力muffin:比較乾同散！唔太有朱古力味，一般！如果有朱古力粒在內，口感會豐富好多！
頂層馬卡龍： 講真一向唔鍾意馬卡龍，太甜，唔會食到其他味！好膩！我同肥髀都唔鍾意！
雖然每件細細件，份量都好夠，食晒都好飽，好在我同肥髀只係食咗早餐！所以可以食晒！
店員勤快有禮！斟水都好主動，我叫店員幫我影相，都好好笑容幫手，可以坐得舒服！慢慢傾偈都得！店內無廁所，去廁所要行去商場，不過好乾淨！我都見好多人食團購餐！好開心食到個靚靚下午茶！仲要唔使收加一，我埋單只係比$40！好均真！抵讚！
張貼
