囍宴

營業中

休息中

幫襯咗起碼兩次，環境好光猛、乾淨，裝修華麗新淨其中吸引係星期一至五 $1 換乳豬 / 燒鵝，人多更抵食雖然只有10件，但係 $1 冇投訴，而且表脆肉嫩，唔係特價就hea你啫啫雞煲 $ 88小菜都唔係貴，呢個價位係好抵玩用上厚切大塊嘅豬潤，再加有骨雞件，味道濃郁又有鑊氣，唔食料頭嘅女友都話啲熟蒜好甜好食囍宴小炒皇 $ 128呢道餸係過百，但足料蝦米、蝦肉、鮮魷仔、帶子、腰果全部齊，炒完雖然少少油，但係韮菜超嫩、鮮甜、多汁，暫時食過最好味仲要有舊式酒樓一貫做法，送糖水試問依家仲有幾間咁做？有嘅都要珍惜！為酒鬼補充一句，免開瓶費，有冰桶比你😏