鳴虎 (北帝街) (已結業)

今日自己黎到哩間土瓜灣隱世拉麵店。拉麵店位於土瓜灣及宋王臺站中間，店內係木系設計，全部都係木系桌椅。餐牌上除左拉麵之外，亦有唔同既小食同鰻魚飯可以選擇，而惠顧任何拉麵，加$10就可以有沙律同汽水～🍜日本魚乾豬骨湯拉麵 $88魚乾豬骨湯味道濃郁，而拉麵係幼身個種，連埋香蔥同木耳一齊食，口感會豐富啲～而叉燒有燒製過既香氣，半肥半瘦，特別值得一讚係粒流心蛋，一咬開啲蛋黃即刻湧出黎，流心效果非常好👍🏻🥗🥤沙律及可樂 +$10咁樣加都幾划算，而且沙律好大兜，會淋上大量芝麻醬，啱晒鍾意多醬既人。🍹波子汽水 $18好耐無飲，忍唔住叫返支😆