巧興麵食店

營業中

休息中

難得黎到土瓜灣，口痕好想食餃子，就search下附近有咩餃子店，咁岩有一兩間星期日都冇開，見呢間評價同相都幾好就去咗試。雙拼 5隻韭菜餃 5隻三鮮餃 ($39)三鮮餃入面係韭黃，蝦肉，豬肉; 韭菜餃就係韭菜加豬肉。睇相都見到餃子係成個都煎得好香，唔係鍋貼得個底係焦既。我覺得鍋貼同呢個煎餃係名有特色，呢款係似係炸既，成個皮都好香脆。配埋佢俾既豆瓣醬，真係好好食！熱辣辣咬落去勁juicy，啲肉汁好多同好鮮，我覺得兩款餃子都好出色，又新鮮，又足料。呢個下午茶真係相當有驚喜。