西樹泡芙 (屯門站)

營業中

休息中

作為西樹泡芙嘅fans，知道佢地出左聖誕系列，又點可以唔試下呢？榛子聖誕老人：泡芙以聖誕老人做主題，非常可愛，賣相相當吸引。朱古力味泡芙散發出香濃可可香味，配埋新鮮士多啤梨及藍莓，入口清新，再加埋香滑榛子忌廉，味道非常夾。開心果聖誕樹：泡芙上唧上開心果味嘅綠色忌廉，再配上七彩繽紛星星糖果，化身為迷你聖誕樹，充滿節日氣氛。開心果忌廉入口非常順滑，果仁味香濃，打卡一流之餘仲好好味。芒果乳酪泡芙：泡芙外皮微脆，咬落鬆軟。芒果乳酪泡芙選用鮮甜多汁呂宋芒果，搭配酸酸甜甜乳酪內餡，口感層次豐富。聖誕系列真係打卡一流，開party 一定要買黎試下呀。