G. Cuisine (已結業)

聖誕将至，相約午餐當然要吃西餐應節。呢間餐廳喺億利工廠大廈四樓，唔係同事講開，真係唔知有間西餐廳匿喺度。一踏入門口就已感覺到濃濃的聖誕氣氛。午餐祇有Christmas set lunch。沙律、熱菜同甜點都係自助吧台自取。Main Course就可以自己點番自己果份。同朋友share，我哋一人叫魚，一人叫羊。席間侍應送上餐飲—-五花茶，幾意外⋯⋯食西餐，送中式凉茶。羊架要點讚，够味够腍，份量十足。反而煎魚就普普通通，酱汁太酸，份量較少，魚肉也唔够滑。隔離枱有食客點的豬扒太生，叫咗服務員來後立即道歉並轉頭呈上一份新的，服務態度唔錯。總體而言，值得再來。