媽咪雞蛋仔

營業中

休息中

今日嚟到尖沙咀碼頭嘅媽咪雞蛋仔，試吓佢哋聖誕節限定嘅薄荷朱古力味。呢個味道唔單只係聖誕限定，更加係尖沙咀碼頭分店限定，大家唔好去其他分店撞板啦。雞蛋仔即叫即整，顏色呈深啡色望落似普通朱古力味。食落確實以黑朱古力味為主，唔會太甜有朱古力嘅甘苦味。薄荷係慢慢滲出嚟嗰種，只有幽幽嘅薄荷香，唔會太「香精」。係非常自然嘅薄荷朱古力味。不過略嫌雞蛋仔唔太夠脆，可能係人流太多，未夠時間冷卻。整體味道唔錯，但未至於好好味，$45就唔太抵啦。