影片
更多
2020-12-30
1587 瀏覽
朋友生日想食afternoon tea，咁啱依間仲有位就訂左黎依間位於尖沙咀朗廷酒店大堂內既廷廊黎食佢既聖誕糖果世界下午茶啦🎄🎄首先講講位置方面，佢非常就腳，尖東站L5出口一上地面過條馬路就係啦，位於海港城附近，食完野仲可以去行陣睇燈飾🤭一入到去環境非常舒服，佢會比份menu你揀飲品🙂 飲品到後就會上佢既聖誕下午茶，侍應非常好逐樣介紹埋比我地我同朋友都係第一次食坐地式既下午茶，依個幾特別😼😼 佢既聖誕tea set 總共有11款糕點，款款都好可愛好有聖誕氣氛🎄最底個層4款係鹹點，而上面頭兩層另外5款就係甜點🧁另外檯面上亦有2款既鬆餅總括嚟講呢個英式下午茶偏向重口味，不論甜點定鹹點， 不過對於食開重口味嘅我表示好鍾意😋鹹點當中最鍾意：英格蘭三文魚蟹肉蕃茄，三文魚裡頭包住滿滿既蟹肉，口感冇得彈呀滿滿既辛福感😻 另外鹹點有個聖誕樹魚子醬三文治造型可愛之餘食落都幾驚喜，都幾夾喎陣味🎄不過鹹點當中嘅無花果醬西班牙火腿露筍三文治🍖 當中嘅西班牙火腿真係對我同朋友嚟講都鹹得制🤣 至於甜點方面， 最鍾意最鍾意嘅係奇遇聖誕老人🎅🏻Santa is here!🎅🏻 首先造型吸引可愛下面係聖誕老人既腰帶造型
首先講講位置方面，佢非常就腳，尖東站L5出口一上地面過條馬路就係啦，位於海港城附近，食完野仲可以去行陣睇燈飾🤭
一入到去環境非常舒服，佢會比份menu你揀飲品🙂 飲品到後就會上佢既聖誕下午茶，侍應非常好逐樣介紹埋比我地
🍫Palm Court Valrhona Chocolate
53 瀏覽
0 讚好
0 留言
我同朋友都係第一次食坐地式既下午茶，依個幾特別😼😼 佢既聖誕tea set 總共有11款糕點，款款都好可愛好有聖誕氣氛🎄最底個層4款係鹹點，而上面頭兩層另外5款就係甜點🧁另外檯面上亦有2款既鬆餅
🎄聖誕糖果世界下午茶 Christmas Candyland Afternoon Tea
79 瀏覽
0 讚好
0 留言
總括嚟講呢個英式下午茶偏向重口味，不論甜點定鹹點， 不過對於食開重口味嘅我表示好鍾意😋
聖誕tea set - 4款鹹點
48 瀏覽
0 讚好
0 留言
鹹點當中最鍾意：英格蘭三文魚蟹肉蕃茄，三文魚裡頭包住滿滿既蟹肉，口感冇得彈呀滿滿既辛福感😻 另外鹹點有個聖誕樹魚子醬三文治造型可愛之餘食落都幾驚喜，都幾夾喎陣味🎄
不過鹹點當中嘅無花果醬西班牙火腿露筍三文治🍖 當中嘅西班牙火腿真係對我同朋友嚟講都鹹得制🤣
聖誕tea set - 3款甜點
44 瀏覽
0 讚好
0 留言
至於甜點方面， 最鍾意最鍾意嘅係奇遇聖誕老人🎅🏻Santa is here!🎅🏻 首先造型吸引可愛下面係聖誕老人既腰帶造型， 上面係紅桑莓mousse配杏仁餡， 而條腰帶就係紅桑莓撻，mousse超綿滑又唔會流， 又少少酸甜食嘅時候慢慢品嚐真係超級超級幸福呀😻
Sweets - Santa is here!
38 瀏覽
0 讚好
0 留言
另外佢既綠樹林蛋糕我同朋友都非常喜歡， 入面有朱古力慕士配雲呢拿忌廉及車厘子，唔會太甜亦唔會太流，冇得彈呀
Christmas tea set
39 瀏覽
0 讚好
0 留言
不過當中既聖誕雪花球❄️因為外殼成層都係朱古力配埋入面係榛子慕士成件事就甜得滯流得滯兼有啲涸喉😟不過學朋友話齋呢個可能迎合到外國人重口味嘅習慣
Scones
35 瀏覽
0 讚好
0 留言
另外佢嗰兩款鬆餅都好出色口感實在 😻 分別有原味同提子味，配以忌廉、士多啤梨醬同玫瑰花醬🌹
喺價錢方面，$698/2位，連埋加一服務費就$767.80/2位，包一杯野飲☕ 個人認為聖誕tea set黎講依個價錢都算合理既🙂 況且環境舒適，檯與檯之間有適當既距離傾計亦唔怕隔離檯聽到🗣️
幫襯時段：下午茶
人均消費：$383.90 （兩人共$767.80，已連加一服務費）
再幫襯指數：😻😻😻😻
afternoon tea set
$698
180 瀏覽
0 讚好
0 留言
張貼
