The Madhouse CWB | Taproom • Kitchen (已結業)

尋晚約左好耐無見的朋友相聚，我地揀左係Times Square附近的The Madhouse CWB。餐廳裝修以牆身以嘉年華為主題，吧台有個旋轉木馬頂的裝飾，牆上面畫左個好colorful的遊樂場，啱晒打卡用。餐廳主打手工啤，有20幾款，我地分別叫左杯Pear Cider 同Tayberry Sour。Pear Cider清甜易入口，口感清爽。Tayberry係蘇格蘭特有的水果，是黑梅和紅莓的雜交品種，所以Tayberry Sour 味道酸中帶甜，幾適合女仔飲。脆脆海鮮拼盤 & 炸洋蔥圈 - 海鮮拼盤有軟殼蟹、魚手指、魷魚圈、日本蠔、蝦。兩款beer bites脆漿厚薄度剛剛好, 咬落好鬆脆，唔會太油膩或炸到乾爭爭。雙果沙律 - 雙果即無花果同牛油果，搭埋藜麥，絕對係健康之選。