Soul9+ (已結業)

最喜歡去不同地方覓食，今次與朋友來到北角呢間小店，由於喺內街，都有少少隱蔽。舖頭唔算好大，唔算好多位，不過都有室內室外坐，而且店內格局幾特別，鍾意有一行黑白相，好有feel。講返正題，食店緊係講野食啦～呢個係魚肉芝士條配黑松露醬，個人幾鍾意佢魚肉再食到芝士味，配黑松露醬更加係提昇層次！煙燻鮮蟹肉玉子燒，上碟時有蓋蓋住，一揭開蓋就有煙散出黎！好正！蟹肉配玉子燒又好好味！係一道睇得食得而且吸like既菜式😆焗龍蝦尾有機蘆筍意大利飯，成條龍蝦尾擺碟型！影欋後，為左方便，我同朋友拆哂啲龍蝦肉出黎再配飯食😆幾好！不過多啲蘆筍會更開心！！同埋感覺更中和～寶雲蘇澳洲羊架配薯蓉及烤雜菜，一望到就覺得好正😋叫左七成熟，感覺剛好～好好味🤤🤤薯蓉又超滑！所以話，唔好睇少小店，好多都係心機之作，好睇又好味！