新蒸武門 (已結業)

有次係工廈食晏路過喱間，睇到餐牌係住家菜款式，所以夜晚就黎試，果然無令我失望。枱面擺放左八寶茶，非常養生咁，可以自行加熱水飲用。西蘭花🥦三色椒炒帶子，平時西蘭花炒帶子是我姐至愛的餸菜，所以時不時呀媽都會煮，第一次試出面既手勢，賣相加左三色椒係靚啲，帶子有成9-10粒，仲要大大粒，鮮甜香味濃濃。西蘭花我鍾意爽脆啲，唔會煮到太腍，佢正正係我想要果種。椰子雪耳燉雞，聽個名都覺得可以滋潤補虛，非常足料，雪耳，龍眼，乾雞，椰子🥥，可連湯渣一齊吃土魷蓮藕煎肉餅，唔易散開，吃起來爽脆清甜，兩面都煎到微微香口，雖然用免治豬肉，食到肥膏比例都比較多，反而令口感比較彈牙。