影片
更多
2018-02-09
3919 瀏覽
工作累了，同事話帶我去食好西，問佢去邊到吃佢又懶神秘咁答....... "Follow me" 去到門口一睇，THE BASE We are hiding - -直譯為我們藏身的基地，餐廳隠藏左响工廈入面， 唔係熟客其實未必會知道。加上個店名都幾得意，好配合阿同事今日神秘的氣氛。入到去先發現原來係之前有食過 lunch 的餐廳。餐廳得好少位，食品ok 價錢可以，但好難 book 。今次同事早已訂枱，所以有得食了。望住個餐牌，覺得有啲複雜，我哋研究左一陣想投降，已經向侍應們發出求救嘅眼神，可惜佢收唔到我哋個SOS 訊號。我哋唯有認真再睇多一次......即係 For 2 可以揀 set A/B/C/D ？For 3 又係A/B/C/D? 同一個價錢但係三位又會多一湯一小食？set A每位要俾$378? 定係兩位先俾$378？？經過一輪的推敲推敲，似乎係 For 2 可以 Set A or B ; For 3 /4 可以 set C or D。 好彩我地平時對住D客比嘅IQ題，訓練有素，先可以破解到個 menu 。最後我地選左 set B $488 for 2 ，套餐包括：是日餐湯配牛油
去到門口一睇，THE BASE We are hiding - -
直譯為我們藏身的基地，餐廳隠藏左响工廈入面， 唔係熟客其實未必會知道。加上個店名都幾得意，好配合阿同事今日神秘的氣氛。
入到去先發現原來係之前有食過 lunch 的餐廳。餐廳得好少位，食品ok 價錢可以，但好難 book 。今次同事早已訂枱，所以有得食了。
望住個餐牌，覺得有啲複雜，我哋研究左一陣想投降，已經向侍應們發出求救嘅眼神，可惜佢收唔到我哋個SOS 訊號。我哋唯有認真再睇多一次......
即係 For 2 可以揀 set A/B/C/D ？For 3 又係A/B/C/D? 同一個價錢但係三位又會多一湯一小食？set A每位要俾$378? 定係兩位先俾$378？？
經過一輪的推敲推敲，似乎係 For 2 可以 Set A or B ; For 3 /4 可以 set C or D。
好彩我地平時對住D客比嘅IQ題，訓練有素，先可以破解到個 menu 。
最後我地選左 set B $488 for 2 ，套餐包括：
是日餐湯配牛油法包多士
芝士焗蕃茄莎莎大啡菇
松露蟲草花雜菌米形粉配 63度溫泉蛋
慢煮澳洲草飼和牛 M2-3 西冷扒
首先上場係椰菜花忌廉湯，配牛油法包多士。
雖則佢叫是日餐湯同多士，但無論賣相、份量、溫度同味道都可以話係一絲不苟。
椰菜花忌廉湯配牛油法包多士
38 瀏覽
0 讚好
0 留言
飲得出個湯有牛油同洋蔥的香，cream 的滑漏，椰菜味反而是淡淡的。而且稀稠度適中，湯可以掛羮之餘又唔會太漿。溫度亦是熱暖的，冬天飲好暖胃。
另外，佢既少少一片多士亦有多重口感。外皮酥脆，𥚃面是煙韌的，食落係好香牛油味。同椰菜湯一齊真的是絶配。好少咁留意D餐湯餐包，但是係真係堅好味，不得不大讚。
佢個餐湯都咁得，令我好期待其他食物。
芝士焗蕃茄莎莎大啡菇
芝士焗蕃茄莎莎大啡菇
39 瀏覽
0 讚好
0 留言
呢款响其他西餐廳都經常出現，而佢味道係水準以上。芝士好香，番茄莎莎酸酸辣辣，仲有火箭菜舖面，配合大啡菇簡直係Perfect！
呢個時候，蟲草花雜菌米形粉亦已經上枱，松露香味四溢。
松露蟲草花雜菌米形粉配 63度溫泉蛋
47 瀏覽
0 讚好
0 留言
米形粉其實係一粒放大左好多陪嘅米，但卻有通粉嘅質感，食落煙煙韌韌，都幾得意㗎！
除咗米形粉之外，佢仲有雜菌、蟲草花同埋菠菜，每一啖都有豐富嘅口感。而溫泉蛋無論外表同內在都好得， 轉眼清曬！呢碟一定要趁熱食呀！
松露蟲草花雜菌米形粉配 63度溫泉蛋
24 瀏覽
0 讚好
0 留言
最後，主角牛扒登場⋯⋯
好靚呀，但份量好似少左D。
慢煮澳洲草飼和牛 M2-3 西冷扒
46 瀏覽
0 讚好
0 留言
和牛因為是草飼的關係是偏瘦的，但一D都唔會靱，而且有牛味。用木板上方便切，外表亦精緻D。調味有士多啤梨紅酒汁（好似係），試左少少，覺得會蓋過肉味所以冇乜點過。靚牛扒單單點旁邊的鹽都已經好好味。配菜亦好豐富，有西蘭花、紅蘿蔔、椰菜、青豆、番茄、粟米、南瓜，色彩鮮艷配搭得宜。
二人餐唔包餐飲，我哋加左＄30要一壺熱伯爵奶茶。茶味香濃，但偏甜左少少，同埋份量亦都唔多，雖然用茶壺上，但其實只佔四份之一。我諗等於正常一杯左右啦。
伯爵奶茶
30 瀏覽
0 讚好
0 留言
到總結啦：
食物好好味，差不多滿分，可以算係隠世美食。
可惜二人餐份量唔多，兩個人可能唔係好夠食。
同埋服務可以好DD，例如主動俾水，主動留意吓客人嘅需要，等等。
室內裝修簡約，餐廳細細枱唔多，空間感都足。都好欣賞佢唔會為咗做多幾枱客，而將D枱逼到密密麻麻。
唯獨位置唔太方便，亦都比較隱蔽，冇熟人帶路真係未必注意到。
張貼
