影片
更多
2022-05-17
572 瀏覽
$1680 （+10%service ）包左咩先？前菜三款，刺身5野，7件壽司，茶碗蒸，蟹，鮑魚，魚湯同甜品；有帶你去左日本庭園感覺；同埋熱情好客嘅職員同師父，令客人賓至如歸。非常開心一晚。前菜有來自沖繩嘅水雲，白子同真子（即是魚春）。白子，唔係每間餐廳都處理得好，曾經遇過腥嗅，食過鞋過鞋底又有，甚至有時酸到嗆喉。每次臨放白子入口前，都有陰影。而呢家餐處理得很好🥰，白子很滑，用左蘿蔔蓉配柚子酸汁加埋啲蔥花，令味道提鮮。刺身包括1,有超creamy甜味蠔😆（兩秒已忘記咩名）2,右口魚3食，捲蔥，捲燒左嘅魚，同捲馬糞海胆3,象拔蚌（可惜落太多柚子皮，雖然啲蚌鮮甜但都遮唔到苦皮)4,好像用沙典魚整成太卷，都好好食5,紫菜包住中拖羅+紫蘇+肥拖羅，還要炭一炭迫啲魚油出來🤣.壽司整體就ok,佢地啲飯係偏向乾身同淡酸。當中配以蝦膏嘅北海道牡丹蝦，北寄貝，紫海胆最為深刻美味。茶碗蒸裡面有螢光魷魚，夠滑，但個人覺得蛋香唔夠。熟食嘅蟹肉配左橘子啫喱同海膽，令我諗番起3月食個間日本蟹餐廳，可能唔係蟹季節，蟹味係有但唔突出。最後，甜品有甜到核爆嘅蜜瓜，好濃綠茶啫喱，同海鹽夾餅。平時對甜野零好感嘅我，都覺得啲
前菜三款，刺身5野，7件壽司，茶碗蒸，蟹，鮑魚，魚湯同甜品；有帶你去左日本庭園感覺；同埋熱情好客嘅職員同師父，令客人賓至如歸。非常開心一晚。
前菜有來自沖繩嘅水雲，白子同真子（即是魚春）。
白子，唔係每間餐廳都處理得好，曾經遇過腥嗅，食過鞋過鞋底又有，甚至有時酸到嗆喉。每次臨放白子入口前，都有陰影。而呢家餐處理得很好🥰，白子很滑，用左蘿蔔蓉配柚子酸汁加埋啲蔥花，令味道提鮮。
刺身包括
1,有超creamy甜味蠔😆（兩秒已忘記咩名）
2,右口魚3食，捲蔥，捲燒左嘅魚，同捲馬糞海胆
3,象拔蚌（可惜落太多柚子皮，雖然啲蚌鮮甜但都遮唔到苦皮)
4,好像用沙典魚整成太卷，都好好食
5,紫菜包住中拖羅+紫蘇+肥拖羅，還要炭一炭迫啲魚油出來🤣.
壽司整體就ok,佢地啲飯係偏向乾身同淡酸。當中配以蝦膏嘅北海道牡丹蝦，北寄貝，紫海胆最為深刻美味。
茶碗蒸裡面有螢光魷魚，夠滑，但個人覺得蛋香唔夠。
熟食嘅蟹肉配左橘子啫喱同海膽，令我諗番起3月食個間日本蟹餐廳，可能唔係蟹季節，蟹味係有但唔突出。
最後，甜品有甜到核爆嘅蜜瓜，好濃綠茶啫喱，同海鹽夾餅。平時對甜野零好感嘅我，都覺得啲甜品唔錯。😆值得一讚。
張貼
