Madera Cafe

營業中

休息中

作為港島東人，筲箕灣東大街當然係我飯堂。不過成條街咁多食肆，都無間似樣少少嘅café。住咗咁多年，終於俾我等到佢喇 – Madera Café!間野0係東大街尾，穿過左最熙攘果段路就會見到。可能早上條街無乜人，加上自己放假心情輕鬆，配埋店面落地玻璃，甫入到門口，見到琳琳種種麵包糕點排得令令仔仔，加上店員親切嘅禮貌早晨，「在晴朗的一天出發」咪就係咁囉，嘅relax又有朝氣。講番食物，呢間café原來有唔少芝麻同玉桂嘅野食，咁岩呢2樣我都唔好，所以都係叫左d大路野。首先有火腿芝士牛角包，我對牛角包要求好高。第一，包serve到我面前一定要熱得黎入到口。第二，皮要脆。第三，包身要鬆軟。呢3點Madera Café都掌握得到。加上芝士半溶濕濕地blend入包度，食落剛剛好，唔錯唔錯﹗ 我仲叫左杯熱朱 ，個人偏好唔鐘意太甜太多cream，呢杯正合我心意。有可可香但不致太膩，係少數我會飲哂落肚嘅。同場加映友人order嘅心太軟。好食，但伴碟嘅雪糕搶鏡d﹗係椰子味(但啡色的，估你唔到﹗)總體黎講，係一個愉快既早餐。如果上菜可以快番少少會更加match香港人急促嘅生活節奏。