魔膳廚房 (已結業)

約左舊同事去觀塘食晚飯，事前已經搜尋過餐廳，覺得哩間好似唔錯，一於就揀哩到。環境唔錯，樓底高地方大，餐廳夠寧靜，可能在工業區晚市會比較少人流。自助區，款式雖然唔算太好，但擺設幾靚，我淨係食左少少啫喱。餐湯，有羅宋湯或忌廉湯選擇。和牛漢堡脹卜卜，賣相好靚，和牛好厚又夠肉汁，麵包都好鬆軟，薯角其實都好粗，只係漢堡實在太大，顯得薯角好細條。大蝦扁意粉，有2隻大蝦已開邊，咬落厚肉啖啖肉，意粉炒得好香。甜品，唔記得個名，類似焦糖布甸，好滑，甜度適中。