小桃咖啡室 (已結業)

近呢一兩年成日聽到嘅，莫過於話經濟不景氣，物價一直不停地加，但係收人又唔見得大增，無論係個人又好，店鋪都好，入不敷支嘅情況時有發生，人都話好d可以塭下政府資助，但係鋪頭真係純粹靠生意。銅鑼灣呢d人流極旺嘅地區都不能幸免，有經過都知道近呢兩年執左好多鋪頭，小戶叫苦連天，就連連鎖大鋪都要搬，鋪租貴到嚇人，所以話呢要喺銅鑼灣塭個地方食下嘢又可以慢慢嘆下嘅，選擇小之有小。難得仲有小桃咖啡室，可以坐下嘆杯嘢飲，食個餐，絕對可以講係有d奢侈。呢到地方並唔算好大，配有一些類似舊中環街頭式嘅設計，仲有一些特別嘅擺設，坐落舒服自坐，室外嘅位置仲有幾個位可以比你一路望住外面繁華嘅街道，一路嘆住啤酒。有時間仲可以喺擺設櫃上攞d遊戲玩下，例如，波子棋，uno等等。三五知己可以一齊玩下，傾下計，重拾童真嘅感覺。另外仲有一大推漫畫書，可以忘記一下電子產品嘅薰陶，回歸白紙克字嘅世界。龍蝦係好多愛吃海鮮人仕嘅必食食物，無論拒價錢有幾貴都唔係問題。呢到嘅招牌龍蝦早餐絕對岩唒拒拒地，一整隻龍蝦配上火腿芝士麥包，磨菇炒蛋，司華力腸。令本身平凡嘅早餐變得不一樣。龍蝦肉爽口香甜，唔需要再加其他配料來煮，食出原汁原味。炒蛋香滑，