大井町日式放題 (已結業)

放題就成日食得多，但唔係間間都坐得舒服，我最欣賞呢間放題地方大坐得好舒服，食都食得開心啲。放題出邊有個自助吧，有幾款冷盤，沙律同埋啲水果，覺得冷盤啲蝦最好食，蝦肉好爽身彈牙，我都食咗幾碟嘢飲都有好多款選擇，呢間放題食物質素唔錯刺身都好新鮮，赤蝦勁大條啖啖肉，食多幾條其實已經回本我就推介燒羊架同鐵板牛柳粒，燒羊架好有so味，呢個味先至係精粹，牛柳粒啲肉好軟，好易咬口，甜品亦都好多款選擇，泡芙都有三隻味道，覺得最好味嘅就係朱古力條泡芙，食到最後都會有Dreyers 同Movenpick牌子嘅雪糕每人揀一款，食物送上尼速度好快，整體評分唔錯