環亞機場貴賓室

營業中

休息中

難得有機會返上海工幹，一如以往到機場前先準備機場三寶，1) 當然係回鄉証，2) 某某銀行信用卡，機場可免費兌換＄15 以下雜誌，3) 當然係入得機場貴賓室嘅信用卡。事關飛大陸，尤其上海經常性地Delay，如果能夠舒適地任飲任食安躺在貴賓室沙發，可以容易打發時間。一進入禁區，已即時前往環亞機場貴賓室，幸運地竟然唔洗排隊，職員即時幫我登記，等都唔洗等已經入左貴賓室。唔知係唔係因為人太多，飲品消耗得佷快，即使擺起雪櫃，沒有一罐是凍的。至於食物，質素比兩年前下降了，馳名的魚蛋粉，魚蛋和魚片淡已無味，河粉似乎煮得太耐，一入口已融掉。雞扒肉好像沒有調過味，很淡。茄汁炒飯也因預熱太久已失去原有嘅炒飯香。唯一可取就是四季豆，仍保留了豆的鮮味。在這個舒適的環境下，如果能有更好的食物作伴，那就非常完美了。