L1fe Café (已結業)

準備出發去歐洲前另一半特意請假陪我張羅，東西買得八八九九，食個午餐先返家。自第五波疫情後的確少咗出街食飯，估唔到閒日中午一點幾嚟到只係得一個客人，真係戥佢地擔心。朱古力 +$12拉花感覺失手有啲滑稽，朱古力質地稀薄味淡，Cafe飲品嚟講有待改善，如係成本問題寧願加多少少錢俾好啲質素。西蘭花忌廉湯隨午餐附送，味道較清淡。綠野尋蹤｜野菌青醬意大利粉 $78嚟到主食部分，Pesto醬清新唔會太油，意粉入味彈牙，雖然係素食但加入菇菌唔會寡，感覺清新無負擔。小學雞｜烤春雞(半隻)  $88燒雞份量充足，烤到外皮香脆，切開仲有好多肉汁，肉質嫩滑；伴在旁嘅配菜同樣用心，有烤過痕跡，香口惹味，整體性價比高，食到另一半舔舔脷。對食物出品滿意，可以再訪。另外好欣賞小店餐盤嘅選擇，令人賞心悅目，未食先加分。