紅蔥頭 (已結業)

星期六應該係好休閒先係㗎!但係今日為咗一個展覽變得一啲都唔休閒，因為呢個展覽延遲咗，所以我的午餐就變成下午茶。其實都好耐冇黎過鑽石山呀! 變化都幾大，呢間紅蔥頭我之前係旺角食過，覺得幾好食，咪諗住再試多一次啦! 我由一樓上到三樓， 喺三樓的指示牌睇到係101A號鋪，由三樓落返一樓都揾唔到，最後我要去到服務台問一問小姐，佢同我講原來要穿過馬莎百貨公司，之後行出個玻璃門就會見到㗎啦! 終於搵到喇! 位置真係都幾辟下。枱上有一個下午茶餐牌，另一個差唔多全部都係甜品，三文治的餐牌。芝士焗蜜桃去骨雞腿配蛋炒飯 $52雞腿有少少雪味，雖然已經用香料醃製過。 芝士幾香，配蜜桃和飯都幾開胃。烤棉花糖吐司 $44麵包烘得幾香脆，有少少鹹味，同上面的棉花糖好夾。 好食在係個麵包有邊位。檸檬茶同咖啡合格。