別府駅前料理 (已結業)

睇完戲就來到附近的別府吃晚餐。拉麵種類選擇頗多，突然想食辣野，所以點了"鬼石坊主地獄拉麵"。地獄拉麵有分1、2、4、6、8度辣，隨即點了4辣試下有幾辣成碗地獄拉麵紅卜卜，來到時立即吉穿隻蛋，地獄湯底非常濃烈及香噴噴，好辣呀不過也食到。牛肉有少少硬硬地，不過麵底彈牙，配合地獄湯一流。食到辣辣地，立即叫了飲品，因荔枝梳打買一送一，立即叫杯降火! 但好失望杯野甜到爆，攪過好多次，糖漿亦沉在杯底內，甜到......不過要降火只好繼續飲下去。由於餐廳上面是戲院，所以一路食一路聽到好激烈的嘭嘭聲，如果想要靜的環境未必是一個好選擇，不過食物亦算OK。