高高酒家 (已搬遷) 新店位置

呢間酒家好有驚喜，埋單又唔貴，小菜十分地道，質素比比起標準高，市區食小菜唔錯嘅一個選擇。 柚皮非常清香甜美，完全沒苦味的，又唔會起渣。鲍汁湯底好入味好鮮。呢個冰鎮咕嚕肉不愧係招牌菜，焦糖脆卜卜，肉質好爽。酒醋香剛剛好，酸多過甜，好醒胃。魚腸煲炒得好香口好濃味，好有穫氣，魚腸份量都唔少，唔會薑蔥等配料多過主菜。豆腐扒都好入味，蠔油去卻粟米仔同木耳個陣草青味。蠔餅真係大件夾抵食，煎得剛剛好，香口但唔會過咗火。最後叫個蛋白炒飯清清胃，米飯粒粒分明，不過就略嫌油咗少少。