西門町台灣麵食 (已結業)

和同事去左旺角睇電腦之後食晚飯，朋友揀左係女人街街尾位置既西門町。六點幾唔算好多人唔使等位。選了248的二人套餐，有二柸台式飲品。芋香珍珠和柸芽雪香二款都係舊時成日飲既味道，唔算太甜，不錯！肉燥飯及肉燥米粉肉燥份量幾多，肉碎帶小小花生及咸香，唔會太肥膩幾好食的。豬軟骨份量幾多，豬軟骨分怖平均唔會太硬太多肉。甜甜地應該係用左甜豉油，肉質燜得唸身，咬落幾綿滑同入味，口感不錯。醉雞雞肉肉質幾嫩，酒味幾香算係濃味，加左杞子，味道帶點清香唔會太肥膩！肉燥青菜肉燥汁滲左落菜入面，青菜唔會淥到淋灑用黎餸飯不錯。套餐的甜品是擂沙湯丸唔算太甜的，咬落口感煙韌，面層是花生粉幾香口。