阿元來了 (北街)

營業中

休息中

周末一行三人嚟到西環樹牆打卡，影相前當然要先醫飽個肚先！原來附近有間阿元來了，一於去試下台式風味。店舖嘅裝潢充滿五六十年代的懷舊色彩，牆上貼左好多有趣的海報。阿元魯肉飯滷肉肥瘦適中，唔會話全部都得肥肉，撈埋白飯食一流。蚵仔煎外脆內軟煎得幾好，入面仲有足料蠔仔，下次再嚟都會再encore。沙茶米粉沙茶醬好黏好稠，味道又香又濃郁，平時好少機會食到。爆蛋雞絲飯雞絲份量都幾多，完全無骨啖啖肉，岩哂我地呢啲懶惰唔想啃骨嘅人。旁邊嘅太陽蛋吉開流出金黃色蛋漿，令碗飯更加濕潤易入口。珍珠奶茶奶茶叫左少甜但都係偏甜，黑糖珍珠口感Q彈柔韌，甜甜地幾好味。