影片
更多
2013-08-22
945 瀏覽
一直留意咗呢間餐廳好耐雖然裝修簡陋，噏耷，但正正係呢點好吸引我感覺好地道好有風味細細地一間鋪，已經有齊串燒，湯粉麵同埋炒粉麵飯，牆上都貼咗好多菜式嘅相，大部分有寫價錢，有啲無，而且無餐牌，所以相機價錢同其他菜色都要問佢，知道嘅係呢度無炒菜^^"其次嘅係呢度都有啲泰式小食賣，芒果糯米飯，魚餅蝦片都有突然好想飲冬蔭功，星期五夜晚嚟買外賣，係門口已經聞到好香串燒味，第一次行入去，好緊張^^"...店面好細，得12個位，甚至更少，但都坐滿仲好多人叫咗外賣添唔識點叫嘢食..好彩入面有個牌寫住"自助食品"..喔!我明啦即係要喺出面買完先坐底食要咗炒金邊粉，即係pad thai同埋淨冬陰功湯，落單嘅姐姐問我個湯係咪一個人飲，我話係，之後就將湯同埋pad thai一齊計，總共$47，所以唔太清楚單計幾錢^^"好好呀!!有一人分嘅冬蔭功湯賣店員全部都係泰國人，不過唔使擔心落單果個姐姐幾廣東話非常好，係我遇過嘅泰國人之中最好架!!因為店面細，廚房都係就咁喺隔離，烹調嘅過程都一覽無遺嘿嘿我最鐘意就係睇人煮嘢食㗎啦等咗都差唔多十五分鐘，終於到我張單拿拿林返屋企食先!!先試pad thai，個包裝好有泰國風格
細細地一間鋪，已經有齊串燒，湯粉麵同埋炒粉麵飯，牆上都貼咗好多菜式嘅相，大部分有寫價錢，有啲無，而且無餐牌，所以相機價錢同其他菜色都要問佢，知道嘅係呢度無炒菜^^"
其次嘅係呢度都有啲泰式小食賣，芒果糯米飯，魚餅蝦片都有
突然好想飲冬蔭功，星期五夜晚嚟買外賣，係門口已經聞到好香串燒味，第一次行入去，好緊張^^"...
店面好細，得12個位，甚至更少，但都坐滿仲好多人叫咗外賣添
唔識點叫嘢食..好彩入面有個牌寫住"自助食品"..喔!我明啦即係要喺出面買完先坐底食
要咗炒金邊粉，即係pad thai同埋淨冬陰功湯，落單嘅姐姐問我個湯係咪一個人飲，我話係，之後就將湯同埋pad thai一齊計，總共$47，所以唔太清楚單計幾錢^^"
好好呀!!有一人分嘅冬蔭功湯賣
店員全部都係泰國人，不過唔使擔心落單果個姐姐幾廣東話非常好，係我遇過嘅泰國人之中最好架!!
因為店面細，廚房都係就咁喺隔離，烹調嘅過程都一覽無遺嘿嘿我最鐘意就係睇人煮嘢食㗎啦
等咗都差唔多十五分鐘，終於到我張單拿拿林返屋企食先!!先試pad thai，個包裝好有泰國風格
本來都擔心佢用電磁爐煮食會唔會唔夠鑊氣或者"炒氣"，但都唔使擔心因為都好好食!夠鑊氣!
個粉炒得夠乾身，亦好足料，都有幾多蝦下，啲蝦重好新鮮已經好味過好多泰國菜館!!!加埋佢俾嘅醬汁令到味道更突出，更加酸甜美味，連埋香脆可口嘅花生碎就好好好味!!
覺得好味過泰國街頭嘅炒粉雖然唔夠某啲餐廳好食冬蔭功亦唔錯酸辣適中，香茅味濃，小小一碗都有3，4隻蝦，同埋唔少草菇，足料! 不過我會鍾意再酸啲
總括黎講，呢間係好平民化嘅泰式餐廳，價錢亦同茶餐廳差唔多，大部分都係四十零左右，雖然佢唔係最好食嘅一間，但就又平又好味嘅泰菜館!!極度推介大家去食!食茶餐廳外賣食到厭嘅就最啱轉下口味
咁近就有間平價有性價比高嘅泰菜，唔使咁遠去九龍城，以後泰菜癮一發作都唔洗驚lu
張貼
