新廣發

營業中

休息中

新廣發都食過好幾次喇，相信呢到係好多沙田友/中大生既共同回憶，如果無記錯以前喺沙角邨都做咗二三十年有多，可惜因為租金問題未能夠喺沙角邨繼續做落去 (新聞都有提及)，咁都無辦法啦。搬咗過來博康邨之後明顯間舖位細咗好多，真係可惜，無咗以前幾百人喺戶外一齊打邊爐的壯觀。講返食物先啦，呢到任飲任食三粒鐘，每位只係八十幾蚊，計埋開爐費，最後埋單其實每人一百蚊都唔洗，今時今日仲可以去邊到搵呢? 所以食物質素，環境方面都無咁高要求，咁當然呢啲野同價錢都完全成正比既。今次一大班人去食，好處真係每樣都食到少少，其實呢到啲野食真係見仁見智，你話呢個價錢真係合格有餘，仲有啲海鮮 (有朋友敢食，有朋友唔敢食，哈哈)。新廣發最大特色真係呢個玻璃樽汽水，而家喺香港已經買少見少喇，每次嚟呢到都啪返三四枝先夠爽皮啊！