Lost in Thai (已結業)

同朋友去咗旺角嘅一間地道泰國菜餐廳😊．頭盤我揀咗虎蝦冬陰功湯同沙嗲串燒。🍴虎蝦冬陰功湯好香辣，湯底濃郁鮮美，加上新鮮嘅虎蝦，味道好鮮甜。🍴沙嗲串燒有雞肉同豬肉，味道炭燒香口，多汁嫩滑，真係好好味！另外我仲叫咗一份泰式鳳爪沙律，鳳爪肉質腍滑，拌埋泰式醬汁，酸辣開胃．主食方面，我揀咗泰式酥炸香料鱸魚。鱸魚炸得金黃酥脆，魚肉鮮嫩多汁，配上泰式香料，味道香辣，正．🍹飲品我揀咗泰式奶茶配紅啤啤冰，叫咗兩杯。泰式奶茶香濃滑順，加上紅啤啤冰，冰涼解渴，好開胃！仲好cute 添😂😂好細心係熊仔冰都係用茶冰，keep 住茶味👍．最後，我嘅甜品揀咗芒果糯米飯。芒果新鮮，糯米飯軟糯甜香，兩者結合，好滋味！．總括而言，呢間地道泰國菜餐廳係真心想下次再試😊菜式豐富多樣，味道正宗，每一款都好比心機，服務態度好好，如果你鍾意泰國菜同正宗嘅味道，可以帶三五知己試吓