船皇 (厚福街) (已結業)

疫情關係我同朋友嘅工作量度大減，收入大減。所以呢排我哋都搵啲價錢相對親民嘅小店幫襯下。今日就去咗尖沙咀厚福街“船皇“食泰式車仔麵。我哋叫咗一碗 船皇撈麵(大碗)$58，大大碗已經有齊曬所有嘢例如雞翼，肉丸，牛腩，豬潤等等 。 而家天氣咁熱食碗麵 個份量就啱啱好唔會好滯 。另外餐廳係所有嘢嘅價錢都係 十零廿蚊左右。兩個人就可以叫一碗麵兩份食加啲串燒小食就剛剛好。我哋仲喺咗一份泰妹雞翼$22，一堆串燒一個通菜同兩杯嘢飲， 泰式青檸梳打給泰式龍眼冰嘢飲個器皿好特別， 增添咗泰國風味，埋單都係一百蚊鬆啲，但係已經食得好滿足。呢度雖然係泰菜，但係普遍食物都唔算辣 ， 而且位置仲喺尖沙咀厚福街十分方便 ，性價比嚟講，普羅大眾一定啱食。