東寶小館 (已搬遷) 新店位置

唔好睇呢碟嘢黑monk monk，就以為佢係衰嘢!! 眼利嘅朋友仔，見到後面嘅戰鬥碗，就會估到呢個係東寶嘅墨汁墨魚麵。嗰啲墨汁真係勁香同好厚身，沾晒落啲意粉度。嗰啲墨魚多到呢，食極都有，以為係五餅二魚!!! 仲要係煮得啱啱好，唔會太韌。我哋仲叫咗黄金蝦，外面蛋黄嘅黃金外層香到一放低，就聞到黄蛋味!!!! 一咬落口個殼好鬆脆，蝦肉實淨，好明顯隻蝦係好新鮮。有好嘢食，膽固醇就梗係唔理啦。另一必嗌之選就梗係敗家仔炒飯啦!!! 話明係敗家仔，就梗係用貴價料嚟炒飯啦!! 嗰啲帶子 係厚身大帶子切粒而成，唔係平時細細粒嗰啲帶子仔。而蝦都係大大隻，絕對唔hea。平時炒飯都係加下蔥或者生菜，有啲綠色就算。東寶係將蜜糖豆切粒，加埋上面嘅炸乾瑤柱同蛋白，真係一絲不苟。日日爆滿，係有佢嘅原因嘅。Sorry，仲未完!! 啫啫雞勁香就係人都知㗎啦，最正係有我M佬嘅至愛: 豬潤 (乜唔係A姐咩?? 畀人扭爛隻耳仔) !! 東寶正就正在加埋田雞，鴛鴦雞，死未!! 嗰啲田雞仲好滑，尤其係啲田雞脾!!! 唔好以為完喎，蒜頭同啲洋蔥吸晒啲汁，精華所在。除咗食，喺東寶一定要用凍冰冰嘅戰鬥碗啤一啤，再配合埋啲咁正嘅音樂，嗰f