肉餅哥小炒料理 (已結業)

想食肉餅嘅話，第一時間就會諗起呢度；今次係第2次幫襯。餐牌有各式各樣嘅肉餅，連素肉餅都有真係肉餅專門店；下次Green Monday時又多個選擇。今晚我就點咗金沙蛋黃煎肉餅配白飯 ＋ 乾土魷蒸肉餅配白飯。濃濃嘅咸蛋黃蓉，完全覆蓋住整個肉餅；見到都覺得好邪惡。再加上煎嘅關係，肉餅好香口。土魷蒸肉餅，有海鮮嘅咸香同肉餅有彈性。一坐低就送嘅湯，濃味係足料煲出嚟；而且仲有好多湯渣。但係＋$2送嘅菜心，份量好小囉...得4條；下次可以比多小小嗎?