第一郡 (已搬遷) 新店位置

今日午飯時間去左公司附近一間人氣食店~呢間餐廳聽聞係由越南人主理，所以食客可以品嘗到正宗嘅越南滋味！我同同事都試咗呢間餐廳嘅招牌菜之一 -- 蟹膏番茄湯檬。值得一讚嘅係材料非常豐富，有豬紅、豆腐卜、扎肉、番茄、生菜、豬肉餅等。我個人最鍾意扎肉，因為充滿肉香，厚切夠曬咬口，其中一塊係胡椒味，微辣特別香口！另外，湯底亦非常濃郁，啖啖鮮甜番茄香，食完飲埋湯都唔覺口渴~所以相信係無落味精，真材實料哦！檬粉幼滑，配合湯汁一齊食簡直一流！飲品方面，我地就叫左普通熱咖啡，味道香濃幼滑，都有越南風味架！下次去想試埋越南滴漏咖啡，睇下夠唔夠正宗先！😉