.
餐廳裝潢就如韓國燒烤店般，低櫈配上銀院圓形燒烤爐🔥每檯再有專用抽風頭，唔驚食到成身味🌀一坐低店員立即逢上一系列韓式小菜，有泡菜、涼伴茄子、涼伴芽菜等🇰🇷
.
🍴豬肉拼盤
💰$430
包含五花肉、護心肉、豬頸肉、醬醃薄切五花腩、湯品✨不需過多調味，品嚐豬肉鮮味💕五花肉層層分明，火燒後將油脂逼出，入口一啲都唔肥膩之餘仲帶點爽口😙護心肉係豬橫膈膜與肝之間嘅肉，每隻豬只有少量，極為矜貴🤓肉味濃郁，口感豐富🤤豬頸肉油香豐富😚食韓燒當然唔少得蘸烤肉醬，再醃以生菜、蒜頭、辣椒一齊食🥬爽😆
湯品揀咗大醬湯，同姊妹店一樣湯料非常豐富，有翠玉瓜、蜆、豆腐等，湯頭充滿大醬豆香🤤
.
🍴雪濃湯
💰$110
上菜時湯品熱到翻滾🔥奶白湯頭濃香無比，牛骨精華完美滲入💕湯裡有牛骨、牛肉薄片、粉絲😌將湯撈入白飯，食落暖笠笠她滿足☺️
.
🍴水冷麵
💰$90
纖幼冷麵配以青瓜片、雪梨、醃蘿蔔、雞蛋等配料💕麵條爽軟柔韌，冰湯味道酸酸甜甜好開胃😋
.
尖沙咀平靚正正宗韓燒之選🌟想食韓燒，一於約埋朋友南大門見😎
