陳根記 (已搬遷) 新店位置

有報道話佢3月底就會結業，所以拿拿林和同事過嚟食返番餐先。呢度最唔好嘅地方就係要自己搵位。不過今晚都好好彩，等咗一陣就有位坐。四個人， 先叫咗四碟嘢食。但食完都未飽，於是再要多兩碟總，共嗌咗六碟。 同事一心想嚟食wasabi手撕雞，但可惜已經賣曬。紅腸拼墨魚。 紅腸正路都唔會有咩comment。墨魚就好彈牙。份量都多。咕嚕肉，鑊氣夠。略嫌有幾件個粉厚咗啲。芝士琵琶豆腐。芝士味都好夠，不過個汁就傑撻撻咗啲。椒鹽九肚魚，去大排檔就係食呢啲。好食，加埋杯啤酒就爽爆。孜然豬髀。 孜然味恰到好處，豬髀又好嫩滑，必食。本來想叫金銀蛋白菜仔，但又賣曬，變咗金銀蛋菠菜。結論: 雖然食物不是屬於最頂級，但呢啲地道風味，在香港已經越來越少了。執筆之時已知道陳根記在大埔開了分店， 希望有機會去哪裏幫襯一下。