影片
更多
2015-01-03
3401 瀏覽
很想食特色蛋糕, 美心, 東海堂, 85C, baby Mon cher食到厭, 想要新意...阿太建議:「E家興網上訂蛋糕, 地鐵站交收架~《瓜破》好日本Feel,不如試吓喔」星期三晚要食, 前兩晚打電話訂貨, 老闆阿禧話「無問題」, 完全不需訂金, 交收時才付款, 我問:「你唔怕有人玩電話?」(《瓜破》Facebook圖片)阿禧說:「開業兩年多, 好好彩未試過有客甩底喎...最多係有個客早一日打嚟話取消, 咁我哋仲可以用返啲料做另一個蛋糕.」聖誕新年期間, 《瓜破》生意非常好, 五位同事要全部出動送蛋糕, 阿禧當日負責尖沙嘴一帶訂單, 同事JoJo就與我們交收, 所以未能見到阿禧真人一面..《瓜破》的蛋糕全部玩層次, 真的玩得很精彩, 絕對令人「過口不忘」, 「願」是聖誕特別版, 我個人最愛試限定東西啦.(現在已售罄!!)最初阿禧說熱情果會帶少少酸, 所以有點怕, 但一食入口就發現, 這點酸才是精髓.我實在愛死《瓜破》的慕絲, 又輕又香又好食, 朱古力慕絲配焦糖慕絲, 好食到你會叫救命, 我真後悔只買了一個, 根本不夠食.家人在說:「家陣啲後生仔, 都寫到咁靚嘅字, 都幾難得喎!!
很想食特色蛋糕, 美心, 東海堂, 85C, baby Mon cher食到厭, 想要新意...阿太建議:「E家興網上訂蛋糕, 地鐵站交收架~《瓜破》好日本Feel,
不如試吓喔」
星期三晚要食, 前兩晚打電話訂貨, 老闆阿禧話「無問題」, 完全不需訂金, 交收時才付款, 我問:「你唔怕有人玩電話?」(《瓜破》Facebook圖片)阿禧說:「開業兩年多, 好好彩未試過有客甩底喎...最多係有個客早一日打嚟話取消, 咁我哋仲可以用返啲料做另一個蛋糕.」聖誕新年期間, 《瓜破》生意非常好, 五位同事要全部出動送蛋糕, 阿禧當日負責尖沙嘴一帶訂單, 同事JoJo就與我們交收, 所以未能見到阿禧真人一面..
《瓜破》的蛋糕全部玩層次, 真的玩得很精彩, 絕對令人「過口不忘」, 「願」是聖誕特別版, 我個人最愛試限定東西啦.(現在已售罄!!)
最初阿禧說熱情果會帶少少酸, 所以有點怕, 但一食入口就發現, 這點酸才是精髓.
我實在愛死《瓜破》的慕絲, 又輕又香又好食, 朱古力慕絲配焦糖慕絲, 好食到你會叫救命, 我真後悔只買了一個, 根本不夠食.家人在說:「家陣啲後生仔, 都寫到咁靚嘅字, 都幾難得喎!!」婆婆今晚是壽星主角,她望著閃閃的塑膠聖誕鹿,. 猶豫問:「可唔可以食埋架??」
可能我預知一定不夠喉, 所以額外多買三件散裝…嘻嘻!! 忙中有錯, 我本來點的杯裝芒果慕絲「翔」, 今次換了「音」給我. 初時有少少失望, 因為外形一點也不吸引…但「音」食入口層次感更出, 伯爵紅茶, 夾牛油忌廉, 再夾朱古力杏仁蛋糕, 味道好濃好實在, 當中有軟有硬, 有滑有純, 雖然未及「願」精彩, 但都很好食.
綠茶「円」 是為阿太點的, 果然對於一位茶痴來說,她可以每食一啖就叫好, 再吃一口就讚正!!
杏仁蛋糕配抹茶慕絲, 阿太豎起母指讚口不絶,特別是中間的粒粒紅豆, 落足份量, 誠意十足. (原來阿禧說日本人最愛就是紅豆及粟子做甜品喎)
一個非常神秘的Dome叫「瞬」, 是我和SY勁喜歡的朱古力榛子蘋果慕絲餅.
再次重申一次, 《瓜破》的慕絲好合我口胃,榛子朱古力配蘋果粒, 蘋果竟然可以不會發出半點酸味,這個半球體, 簡直與「願」變成為我近期的最最最愛.
張貼
