唐包點

營業中

休息中

星期六返半日，收工之後返屋企之前，就喺地鐵站買定聽日嘅早餐比屋企人食。屋企人最鍾意食中式嘢，唐包點就最適合啦。地鐵站就已經有一間。嚟到之後就買咗六個包、一個砵仔糕、一個豬軟骨飯同埋一個雞扎。包今次買左蓮蓉包、奶黃包、菜肉包、叉燒包、香菇雞包、香芋包，$7.5一個，熱辣辣。唐記而家除咗蒸飯之外，而家新出左有汁飯，$29，當中我最鍾意就係日式豬軟骨飯，夠晒甜，啲汁撈飯就啱晒啦，分量大到可以一餐。另外雞扎係我次次都買嘅點心因為夠晒大份又抵食，先至$18一份。腐皮入面有豬肚、豬皮、雞、芋頭。俾錢之前見到呢度有得買砵仔糕，就買返個食啦，超多紅豆好足料。