御．八幡屋日本料理 (已結業)

兆萬一向都多放題選擇，但質素就未敢保證，今次行街經過呢間放題店，見到佢入邊好寬敞，環境好舒適，枱同枱之間唔會好迫就選擇左入去啦。首先，一入到去都係就即刻拎張刺身紙寫，第一轉叫咗有頭甜蝦三文魚刺身象拔蚌刺身吞拿魚刺身，而之後都仲有再encore既就係有頭甜蝦三文魚同象拔蚌刺身，呢三樣係必食推介每樣刺身都十分之新鮮唔會得雪味。由於我哋加左＄50升級，刺身方面仲可以叫埋珍寶帶子同埋大大隻嘅蝦添呀，簡直係今次放題既重點！加左錢升級仲可以叫埋日式蒸蛋，係好滑嘅蒸蛋，滑得黎亦都唔會缺乏蛋味，正！同行既友人見到有迷你部隊鍋，貪得意叫咗一個來試吓，個部隊鍋都真係好迷你啊，但係入邊極之足料同普通一個部隊鍋入邊有嘅餸完全一樣，絕對推介大家試吓仲可以滿足埋大家食韓國野既願望。另外不得不提，海膽軍艦都係非常值得試吓㗎 ，雖然佢嘅海膽只係好少但係絕對唔會係好似其他放題店咁啲海膽係有腥臭味重有鮮甜味添。嘢飲方面，係採取自己出去雪櫃拎嘅方法，除咗普通嘅汽水同紙包飲品之外，我見到每一台都一定會有一支蘋果山楂同埋蜜瓜西米露添。呢一間放題唔會漏單，嘢食亦黎得好快，坐又坐得舒服，絕對會有下一次。