一盞燈 (已結業)

蛙蛙要去街，那個地鐵站未去過？屯門，好擁擠， 柴灣冇嘢行， 提議此處（ 一早想嚟呢間cafe），近近地長沙灣站， 順便可以去李鄭屋古墓，細細個已經知， 始終咁大都未嚟過。 環境跟食評相一樣，夠寬敞，木系傢俬，切合餐廳禪意構想。 三文魚牛油果意粉 $78，我以為一片片牛油果放面，原來攪蓉撈三文魚，所以牛油果少咗，味不特出，變咗蕃茄意粉，味可接受。 廚師推介全日早餐$108，夠大盤，煙肉大大長片，不乾，好過鬼佬西餐廳， 松露炒蛋量多，滑度一般，大菇香，有質有汁，大蕃茄唔甜，我都好難買到。 茶啡種類，目不暇給，還有一些無咖啡因咖啡，好多想試，但禪味名字茶較吸引我，就揀一晝 一曙光 ，蘋果接骨木茶，用中／日式小鐵壼，小玻璃杯，用木托盤盛上，加上詩意小咭， gimmick 唔錯，讓我飲時，腦袋有回味，茶色淡红，淡香，不甜，不酸， 舒服。 當日天氣凉涼地，坐個位好大風，但侍應說最近我們頭頂都無開，10幾部冷氣機，那部吹咁勁，令我唔好坐咁耐！