影片
更多
2023-09-16
104 瀏覽
星期五同老婆去銅鑼灣，想搵間野食，見到呢間好似評價唔錯就上左去食。無 book 位但去到walk in 等左陣就有得入。入到去空間唔大，大約坐20人左右。食物點了潮式滷水火鍋及潮式滷水拼盤（三餸：滷水鵝肉、慢煮鹽香雞及豬仔髀）。飲品點了鬼佬 Mojitos 及可樂。潮式滷水拼盤先到，原本幾有期待，一食發覺滷水鵝肉味道好淡… 鹽香雞都算滑但都係淡味，豬仔髀正常無乜特別。墊底嘅豆腐有啲酸味怪怪地。跟住覺得太淡想拎個辣椒油嚟點吓，等左五分鐘都見唔到個侍應，見到佢又唔得閒理我。辣椒油都正常嘅，普普通通。潮式滷水火鍋先大鑊。因為我地兩個人坐張二人枱，根本同時放唔到火鍋同拼盤，咁啱旁邊張枱無人，侍應就拍埋果張枱俾我地，點知十分鐘唔夠又有人嚟，要我地俾番張枱佢，個侍應話要拎走碟拼盤，我地唯有急急腳夾晒啲嘢落個碗度…火鍋食物有牛肉、墨魚、鴨血、牛丸及生菜，質素唔係差又唔係好。講番個火鍋個鍋本身係完全唔make sense嘅。底部用一個正方形燃燒物料去煲個鍋，但用10分鐘左右就會燒完，連煲滾啲水都有困難。個鍋啲水差唔多全滿，根本唔敢落咁多嘢食，驚啲水滿到走出嚟。換咗3舊燃料都食唔晒啲嘢，最後我唯有同侍應
星期五同老婆去銅鑼灣，想搵間野食，見到呢間好似評價唔錯就上左去食。無 book 位但去到walk in 等左陣就有得入。入到去空間唔大，大約坐20人左右。
食物點了潮式滷水火鍋及潮式滷水拼盤（三餸：滷水鵝肉、慢煮鹽香雞及豬仔髀）。飲品點了鬼佬 Mojitos 及可樂。
潮式滷水拼盤（三餸：滷水鵝肉、慢煮鹽香雞及豬仔髀）
$208
3 瀏覽
0 讚好
0 留言
潮式滷水拼盤先到，原本幾有期待，一食發覺滷水鵝肉味道好淡… 鹽香雞都算滑但都係淡味，豬仔髀正常無乜特別。墊底嘅豆腐有啲酸味怪怪地。
跟住覺得太淡想拎個辣椒油嚟點吓，等左五分鐘都見唔到個侍應，見到佢又唔得閒理我。辣椒油都正常嘅，普普通通。
潮式滷水火鍋
$298
2 瀏覽
0 讚好
0 留言
潮式滷水火鍋先大鑊。因為我地兩個人坐張二人枱，根本同時放唔到火鍋同拼盤，咁啱旁邊張枱無人，侍應就拍埋果張枱俾我地，點知十分鐘唔夠又有人嚟，要我地俾番張枱佢，個侍應話要拎走碟拼盤，我地唯有急急腳夾晒啲嘢落個碗度…
火鍋食物有牛肉、墨魚、鴨血、牛丸及生菜，質素唔係差又唔係好。
講番個火鍋個鍋本身係完全唔make sense嘅。底部用一個正方形燃燒物料去煲個鍋，但用10分鐘左右就會燒完，連煲滾啲水都有困難。
潮式滷水火鍋
$298
1 瀏覽
0 讚好
0 留言
個鍋啲水差唔多全滿，根本唔敢落咁多嘢食，驚啲水滿到走出嚟。換咗3舊燃料都食唔晒啲嘢，最後我唯有同侍應講叫佢俾個碗我，我要減走啲湯。之後趁仲有火，急急腳全部嘢抌晒落去，咁先至叫做食得完… 唔太肯定有冇啲嘢其實未熟…
飲品正常，但杯鬼佬 Mojitos 收近八十蚊有啲貴。
叫埋單嗰陣，同咗侍應講之後，佢又要執枱接客帶位送餐， 十幾分鐘冇理我，之後我再同佢講佢先至走嚟埋單。雖然佢有同我講唔好意思，但都實在係等得太耐啦。
埋單兩人近七百，其實咁嘅價錢，大把其他潮州餐廳可以揀！唔使去一間坐得唔舒服、食物普通、體驗又差嘅餐廳。
張貼
