90s Lazy (觀塘) (已結業)

食晏晝飯時間試下呢間裝修望落幾簡約嘅日式西餐cafe。接近兩點到，人唔太多，都坐得舒服嘅。呢度Set lunch都係60至70蚊包一杯熱飲，個人覺得呢區裡面算難得地抵食。叫咗個健康嘅白汁菠菜雞肉長通粉，白汁質地比較稀，不過汁份量唔少，絕對夠送長通粉。雞肉幾冧身，好夾菠菜，食完成個長通粉都冇咩罪惡感，幾好。唯一有啲唔滿意係凍柚子蜜唔太夠凍，估計係即刻沖完柚子蜜，仲熱辣辣個陣就加冰，最後只係比室溫凍少少嘅柚子蜜。不過總結都唔錯，夜晚想係公司附近食飯個陣都可以回訪。