稻成京川滬 (新都會廣場)

營業中

休息中

呢間上海嘢舖面都算大，入去一個大廳滿咗六成人，冇哂卡位，侍者再帶往入面靠右另一邊大廳，呢張卡位仲舒服，有落地玻璃窗望商場舖景。又係限時90分鐘食呢吓冇咁暢快。還好上菜算迅速先冇咁趕頭趕命。好友特想食片皮鴨，所以叫咗半隻。鴨肥瘦剛好，邊傾邊慢食都冇出哂油，不過啲包鴨肉白皮略嫌厚身同有啲啲硬唔得軟熟。水晶肴肉透明位比較多，唔算鹹，口感似嚼橡皮。上海粗炒炒得幾夠鑊氣惹味，椰菜冬菇又夠多，三扒兩撥就清哂。小籠包亦交到差，灌到熱湯，肉成球狀。